Pamjet virale! Trump ofendon keq gazetaren: Urtë, urtë derrkuce

Një incident i pazakontë është regjistruar në bordin e “Air Force One”, ku presidenti i Shteteve të Bashkuara, Donald Trump, ka ofenduar një gazetare të Bloomberg gjatë një interviste me median, lidhur me rastin Jeffrey Epstein.

Gazetarja u përpoq të adresonte pyetjen e saj paralelisht me disa kolegë të tjerë, çka solli irritimin e menjëhershëm të ish-presidentit.

Trump iu drejtua asaj me fjalët: “Urtë urtë derrkuce”, një koment i interpretuar gjerësisht si sulm personal dhe “bodyshaming”.

Videoja e momentit është bërë virale në rrjetet sociale, duke shkaktuar një valë kritikash ndaj ish-presidentit amerikan. Në platforma të ndryshme reagimet ndaj tij kanë qenë kryesisht negative, me shumë përdorues që dënojnë gjuhën e përdorur ndaj një gazetareje gjatë ushtrimit të detyrës.

Ngjarja ka hapur debat mbi marrëdhëniet e Trump me median, si dhe sjelljen e tij të përsëritur me tone përçmuese ndaj gazetarëve, veçanërisht grave reportere gjatë viteve të tij në politikë.