Paralajmërimi: Kushtetuesja mund të pezullojë dekretin për Tiranën

Gazetari Lavdrim Lita, në një intervistë në News24, tha se Gjykata Kushtetuese, nëse merr të vlefshëm ankimimin e Erion Veliajt për shkarkimin e tij, mund të pezullojë dekretin e Presidentit të Republikës për zgjedhjet vetëm në Bashkinë e Tiranës. Ai shtoi se pritet që Veliaj të ndërmarrë hapa të tjerë ligjorë.

Lita tha: “Do të jetë Gjykata Kushtetuese që duhet të marrë një vendimmarrje shumë shpejt për pezullimin ose jo të dekretit të Presidentit të Republikës, në mënyrë që të qartësohet çështja e Bashkisë Tiranë. Paramendohej se do të ishte problematike nga shumë juristë, që do të kishte kleçka ligjore.

Gjykata Kushtetuese do shqyrtojë vetëm pezullimin e dekretit të presidentit në Tiranë. Dhe më pas Veliaj do bëjë që vendimin e Këshillit të Ministrave do e çojë në gjykatat administrative për ta hedhur poshtë. Siç duhet do ketë hapa të tjerë që do bëjë Veliaj. Por teknikisht Tirana ka nevojë për një kryetar bashkie.”