PARTIA DEMOKRATIKE RIKTHEHET NË KQZ: KEMI TË DREJTË TË MARRIM PJESË NË MBLEDHJE
Partia Demokratike rikthehet në Komisonin Qendror të Zgjedhjeve me përfaqësuesit e saj tre muaj pasi mori përsipër vendimin për të djegur mandatet.
Në mbledhjen e KQZ ka marrë pjesë Njazi Kosovrasti.
Ai u shpreh se të drejtën për të marrë pjesë në mbledhjen e KQZ ia jep kodi zgjedhor.
Prania e z.Kosovrasti në mbledhje është shoqëruar me debate, me kreun e KQZ, Denar Biba.
‘Duke mos qene subjekt zgjedhor, interesi juaj është një me gazetarët. Ju uroj mirëseardhjen këtu. Ju nuk jeni subjekt zgjedhor.” iu drejtua Biba Kosovrastit, i cili në përgjigje iu drejtua me një pyetje kreut të KQZ.
Sipas jush ku duhet të jem? Jam parti parlamentare dhe kam të drejtë të marr pjesë në mbledhjet e KQZ’ tha Kosovrasti.
Ditën e djeshme, PD dorëzoi në KQZ komisionerët që do të përbëjnë KZAZ.
Keni një histori? Denonco anonimisht, identiteti juaj mbrohet.
Denonco
