Pas dëshmisë në SPAK, kryebashkiaku Dritan Leli udhëton drejt Kosovës për të promovuar turizmin

Pas dëshmisë që ka dhënë në SPAK, kryebashkiaku i Vlorës, Dritan Leli është nisur drejt Kosovës sipas axhendës.

Sipas News24, kryebashkiaku është nisur në një aktivitet në Prishtinë për të promovuar turizmin, duke qenë se turistët kosovarë përbëjnë numrin më të lartë të atyre që zgjedhin Shqipërinë.

Leli, ka qëndruar për një orë në Prokurorinë e Posaçme kundër Krimit dhe Korrupsionit, teksa u paraqit pas një kallëzimi të bërë nga Kontrolli i Lartë i Shtetit.

Jashtë dyerve të SPAK, kryebashkiaku Leli nuk ka pranuar të japë asnjë detaj, duke thënë se “pyesni SPAK për më shumë informacione”.