Luiz Ejlli është kthyer në “Instagram” pas ndërprerjes së pak ditëve më parë, duke treguar se llogaria e tij pati një problem, por tani është gjithçka në rregull dhe nuk do të ketë më probleme dhe do të vazhdojë të komunikojë me fansat dhe ndjekësit e tij në rrjetet sociale.
Gjithashtu këngëtari ka përcjellë një mesazh për të gjithë fansat e tij dhe njerëzit që e kanë mbështetur jo vetëm gjatë rrugëtimit të tij në “BBV”, por edhe në momentet e tij më të vështira.
“Unë nuk harroj njerëzit që më kanë qëndruar afër kur kisha nevojë, kur s’ksiha askënd. Ata që nuk ma kthyen shpinën nga fillimi i rrugëtimit tim e vazhdojnë të mos e bëjnë. Ata që e bënin ditën natë dhe natën ditë duke përjetuar çdo gjë bashkë me mua, ata që më deshën prej vërteti, pa kushte, pa fjalë , por me vepra shumë. Ty publiku im. Ju do Luizi fort!”, shkruan Luizi.
