PD denoncon: Energjia u ble 10 milionë euro më shtrenjtë se në bursë! S’ka krizë, por korrupsion

Partia Demokratike ka reaguar në lidhje me shpalljen e krizës energjitike nga kryeministri Rama, si dhe pasimin e saj me rritjen e çmimit të dritave për konsumatorët. Përmes një deklarate të deputetit Arbi Agalliu, Partia Demokrtike thekson se një krizë e tillë nuk ekziston dhe ajo është reflektimi i krizës së

Duke pasqyruar një tabelë që tregon 3 tenderat e fundit për blerjen e energjisë nga qeveria, PD evidenton blerjen e energjisë elektrike me çmim disa herë më të lartë se çmimi referues në bursë. Sipas Agalliut, energjia është blerë nga qeveria 10 milionë euro më shtrenjtë se sa duhet të blihej realisht dhe kjo më pas rëndon xhepat e qytetarëve.

DEKLARATË E PARTISË DEMOKRATIKE, SEKRETARI I GRUPIT PARLAMENTAR, ARBI AGALLIU

Përshëndetje të nderuar qytetarë!

Prej kohësh po flitet për rritje të nivelit të çmimeve të produkteve që konsumojmë. Prej kohësh ju po ndjeni në xhepat tuaja pamundësinë financiare për të përballuar këto çmime. E sikur të mos mjaftonte kjo, kryeministri njoftoi tragjedinë, apo fatkeqësinë e tretë natyrore, që është rritja e çmimit të energjisë elektrike si pasojë e rritjes së çmimit të energjisë elektrike në bursë. Më lejoni t’iu bëj e dije se sa është çmimi i energjisë elektrike në bursë dhe se sa e blen qeveria shqiptare energjinë elektrike. Gjatë ditëve të fundit janë zhvilluar tre tendera.

Në tenderin e parë janë shpenzuar 16.7 milion euro për të blerë energji elektrike, ndërkohë që në bursë mund të blihej fare mirë për 12 milion euro. Pra, 4 milion euro më tepër ka shpenzuar qeveria shqiptare.

Tenderi i dytë, janë shpenzuar rreth 10 milion euro për të blerë energji elektrike, ndërkohë që në bursë mund të blihej për vetëm 7.4 milion euro. Pra, janë shpenzuar 2.5 milion euro më tepër.

Tenderi numër tre, qeveria ka blerë energji elektrike me vlerë 12 milion euro, ndërkohë që në bursë mund të blihej me vlerën 9.4 milion euro. Pra, 3.4 milion euro më tepër. Në total janë shpenzuar mbi 10 milion euro nga buxheti i shtetit.

Të nderuar qytetarë, nuk është problemi rritja e çmimit të energjisë elektrike në bursë. Problemi është korrupsioni i kësaj qeverie. Problemi është aferat në këto tendera. Problemi është qindra patronazhistë të punësuar në sektorin e energjisë elektrike që marrin pagë nga buxheti i shtetit. Pra, fatkeqësia natyrore nuk është rritja e çmimit në bursë, por është kjo qeveri që përditë e më tepër, vjedh xhepat e shqiptarëve. Faleminderit!