Peleshi mbi një orë në SPAK, u pyet për për marrëdhënien që ka pasur me Klodian Zoton

Ministri i Mbrojtjes, Niko Peleshi, ka qënduar sot vetëm 1 orë e 10 minuta në Prokurorinë e Posaçme.

Theksojmë këtu që Peleshi është një nga ministrat apo zyrtarët e lartë të Ramës, që ka qëndruar më pak në ambientet e Prokurorisë së Posaçme, si edhe është pyetur më pak nga prokurorët.

Peleshi u thirr sot në Prokurorinë e Posaçme për hetimet për matësit në Ujësjellësin e Korçës. Mësohet se ish-kryebashkiaku i Korçës, Peleshi, është pyetur për marrëdhënien që ka pasur me Klodian Zoton që drejtonte kompaninë “ITS”. 

Vite më parë si është denoncuar në media për një aferë që u ka kushtuar qytetarëve të Korçës rreth 5 milionë euro, për matës uji që bliheshin në Kinë me 20 dollarë dhe shiteshin në Shqipëri me 120 euro.

SPAK mesa duket po kryen hetimet në lidhje me marrëdhënien e Ujësjellësit të Korçës me kompaninë “ITS” (Integrated Technology Services) të Klodian Zotos.