Plaurent Dervishaj sërish në gjykatë, njihet me akuzat për vrasjen e Klodian Saliut

I arrestuari Plaurent Dervishaj është paraqitur sot në Gjykatën e Posaçme për një tjetër masë sigurie.

Këtë herë bëhet fjalë për akuzat e ngritura ndaj tij për vrasjen e Klodian Saliut.

Dervishaj për vrasjen e Klodian Saliut ka pasur në masë ‘Arrest në burg’ në mungesë të dhënë nga gjykata.

Gjatë ditës së djeshme Dervishaj u njoh me masë ‘arrest në burg’ për atentatin e organizuar kundër prokurorit Arjan Ndoja.

Ndërsa për vrasjen e Vajdin Lamajt, prokuroria ka kërkuar mbylljen e çështjes ndërsa gjykata e ka rikthyer për hetim që sipas afateve mbyllet në shtator.