Policia jep detaje për aksidentin në Gramsh: Drejtuesi i automjetit i riu nga Tirana

Polica e Shtetit ka dhënë detaje në lidhje me aksidentin e rëndë të ndodhur mbrëmjen e sotme në Çekrez të Gramshit, ku humbën jetën 2 shtetas sirianë dhe u plagosën rëndë 8 të tjerë.

Sipas policisë, drejtuesi i “Fuoristradë” që u përfshi në aksident është 28-vejçari nga Tirana, me inicialet M.Gj.

Të plagosurit janë transportuar në Spitalin e Gramshit dhe ndodhen nën kujdesin e mjekëve, ndërsa policia vijon hetimet.

Njoftimi i plotë i policisë:

Gramsh/ Informacion paraprak

Në fshatin Çekrez, Gramsh, shtetasi M.Gj., 28 vjeç, banues në Tiranë, duke drejtuar mjetin tip “Fuoristradë”, ka dalë nga rruga dhe për pasojë kanë humbur jetën 2 shtetas dhe janë plagosur 8 shtetas të tjerë.

Të plagosurit janë transportuar në Spitalin e Gramshit dhe ndodhen nën kujdesin e mjekëve.

Grupi hetimor ndodhet në vendngjarje dhe po punon për zbardhjen e shkakut të aksidentit.