Posti i Sekretarit të Përgjithshëm të PD, Korreshi sfidon Nokën

Procesi zgjedhor brenda Partisë Demokratike pritet të nisë brenda pak orësh, ndërsa po qartësohet edhe panorama e garës për postin e sekretarit të Përgjithshëm, një nga pozicionet më të rëndësishme në strukturën drejtuese të kësaj force politike.

Sipas informacioneve më të fundit, përballja për numrin dy të Partisë Demokratike do të zhvillohet mes Flamur Nokës dhe Saimir Korreshit. Fillimisht në selinë blu u përfol edhe emri i Blendi Himçit si një kandidat i mundshëm në këtë garë, por në përfundim ai nuk do të jetë pjesë e fletës së votimit.

Burime pranë zhvillimeve bëjnë me dije se deputeti Saimir Korreshi do të jetë rivali i drejtpërdrejtë i Flamur Nokës në këtë proces, duke e kthyer garën në një përballje të drejtpërdrejtë mes dy figurave të njohura brenda Partisë Demokratike.

Mbledhja e Këshillit Kombëtar të Partisë Demokratike është parashikuar të nisë në orën 18:00, në selinë qendrore të partisë, ku pritet të zhvillohen procedurat dhe votimi për zgjedhjen e drejtuesve të rinj.