Presidenti Meta: Po të jetë puna për forcë, marr një mijë vetë si vetja ime

pyetur në lidhje me manifestimin e thirrur më 2 Mars dhe nëse ai ka ngjyrime revolucioni,  Presidenti Ilir Meta u shpreh se nëse ka ardhur koha për revolucion edhe ai mund të ndodhë.

I ftuar në emisionin “Opinion”, Kreu i Shtetit theksoi se nëse SPAK nuk funksionin, “revolucion do vejë kjo puna”.

Meta tha se për manifestimin e 2 marsit janë marrë masat që ai të jetë paqësorë, ndërsa tha se nuk është demonstrim force sepse “po të jetë për forcë, Ilir Meta nuk thërret populli, i mjaftojnë një mijë vetë si vetja e vet”.

Mentor Kikia: Thirrja për manifestim mban era revolucion

Ilir Meta: Po qe se ka ardhur koha për revolucion, revolucion. Po nuk funksionoi SPAK-u, revolucion. Revolucion për zbatimin e ligjit për zbatimin e kushtetutës. Ata do vinë për veten e tyre. Garanci kanë qytetarët për të drejtat e tyre?

Mentor Kikia: Ftesa për të rivendosur rendin kushtetues është që populli të marshojë në të gjitha mënyrat

Ilir Meta: Populli të tregojë në mënyrën më paqësore dhe evropiane. Ska lidhje kjo me ilir metën as me Edi Ramën mos e kthejmë në personale.

Mentor Kikia: Mund të përfundojë në protesta të dhunshme

Ilir Meta: Presidenti i ka marrë të gjitha përgjegjësitë që populli të tregojë në mënyrën më paqësore shqetësimin e tij, për këtë krizë të tmerrshme. Po të jetë për forcë, Ilir Meta nuk thërret populli, i mjaftojnë një mijë vetë si vetja e vet. Ilir Meta do të dëgjojë zërin e shqiptarëve.