Presidenti Meta: Uniteti i delegatëve të Kongresit të Lushnjës, mesazh i fortë për aktualitetin konfliktual të politikës

Në kuadër të 100 vjetorit të Kongresit të Lushnjës, kreu i Shtetit, Ilir Meta ka vlerësuar këtë kuvend me Dekoratën e Flamurit Kombëtar, në vlerësim të kontributit të të gjithë patriotëve e luftëtarëve shqiptarë anekënd vendit, që bënë të mundur konsolidimin e Pavarësisë dhe shtetit shqiptar.

“Në kuadër të 100-vjetorit të Kongresit të Lushnjës, pata sot nderin dhe privilegjin të vlerësoja këtë kuvend, me Dekoratën më të lartë, atë të Flamurit Kombëtar, në vlerësim të kontributit të të gjithë patriotëve e luftëtarëve shqiptarë anekënd vendit, që bënë të mundur mbrojtjen e tërësisë territoriale të Shqipërisë, konsolidimin e Pavarësisë dhe shtetit shqiptar.

Uniteti rreth çështjes kombëtare, përgjegjësia, respekti, sjellja e qytetëruar dhe bashkëveprimi i atdhetarëve të Kongresit të Lushnjës, janë një mesazh i fortë për aktualitetin konfliktual të politikës sonë”, shkruan Presidenti Meta.