Presidenti: Reforma Administrative u keqpërdor për të përqendruar pushtetin vendor në pak duar

Duke publikuar një video nga një prej lagjeve të Elbasanit ku qytetarët denoncojnë mungesën e rrugëve të asfaltuara, kreu i Shtetit bën apel që taksat e qytetarëve të mos keqpërdoren për të shtuar fondin e pagave për fushatë partie.

Reagimi i plotë:

Është shumë e rëndësishme që 61 bashkitë të përqendrohen në përmirësimin e shërbimeve ndaj qytetarëve dhe jo në “kapjen” e votave me pahir dhe presione ordinere me bukën e gojës. Rritja e taksave që paguajnë qytetarët nuk u është kthyer në shërbime më të mira, përkundrazi në degradim të tyre.

Kur kjo ndodh në Elbasan, mendoni në bashkitë e tjera.

Çdo zyrtar të bëjë detyrën me përgjegjësi të lartë ndaj qytetarëve dhe komunitetit. Fatkeqësisht reforma administrative u keqpërdor për të përqendruar pushtetin vendor në pak duar e jo për të përmirësuar shërbimet ndaj qytetarëve.

Taksat e qytetarëve të mos keqpërdoren për të shtuar fondin e pagave për fushatë partie, por për të përmirësuar shërbimet ndaj qytetarëve.

NDAL abuzimit me pushtetin vendor nga cilido!