Problematikat nga moti i keq, si paraqitet situata sipas qarqeve

Ministria e Mbrojtjes ka publikuar përditësimin e fundit në lidhje me situatën në vend, si pasojë e reshjeve intensive të orëve të fundit. Sipas njoftimit, gjatë gjithë natës strukturat vendore dhe ekipet operacionale kanë vijuar punën në terren për normalizimin e zonave të prekura, sigurimin e akseve rrugore dhe rikthimin e energjisë elektrike.

Situata sipas qarqeve

Qarku Lezhë

– Vijon puna për normalizimin e situatës në fshatrat Gjorm, Zhejë dhe Fushë Mamurras, në njësinë Mamurras.
– Rruga në fshatin Shpërtheth mbetet e dëmtuar nga ujërat e lumit Droje, por ndërhyrjet po vijojnë.
– Po punohet edhe për garantimin e kalueshmërisë në segmentin Skuraj–Gallatë (njësia Milot) dhe në Kaçinar, ku ura në fshatin Shpërdhezë është dëmtuar.

Qarku Durrës

– Situata në Sukth, Katund i Ri dhe Ishëm është drejt normalizimit, pasi ujërat janë tërhequr.
– Nivelet e lumenjve Erzen dhe Ishëm janë brenda normave.
– Hidrovorët në Porto Romano dhe Hamallaj po punojnë me kapacitet të plotë.

Qarku Kukës

– Të gjitha akset rrugore nacionale janë të kalueshme.

Qarku Shkodër

– Është zhbllokuar segmenti Theth–Ndërlysaj (njësia Shalë).
– Segmenti Ndërlysaj–Breg-Lumi mbetet i bllokuar; punimet do të vijojnë gjatë ditës.

Qarku Gjirokastër

– Aksi Sofratikë–Libohovë është kthyer në normalitet.
– Ka prani të shtuar ujërash në segmentin Gjirokastër–Tepelenë, në urën e Kardhiqit dhe në rrethrrotullimin e urës së lumit në Gjirokastër.

Qarku Elbasan

– Po pastrohen inertet në aksin Elbasan–Peqin (zona “Murraç”) dhe në segmentin Elbasan–Librazhd.

Qarku Korçë

– Në Sanjollas (njësia Barmash, bashkia Kolonjë) situata është normalizuar pas pastrimit të tombinove dhe inerteve.

Situata energjetike

Ekipet e OSHEE vijojnë punimet për rikthimin e energjisë në:

– Skuraj, Vinjollë, Gallatë (Lezhë)
– Topojan, Shishtavec, Zapod, Bytyç, Lekbibaj (Kukës)
– Hajmel, Vig–Mnelë (Vau-Dejës), Iballë dhe Qafë-Mali (Fushë-Arrëz) në Shkodër
– Maricaj, Memaliaj (Gjirokastër)

Gatishmëria

Ministria e Mbrojtjes dhe Agjencia Kombëtare e Mbrojtjes Civile mbeten në gatishmëri të plotë, duke monitoruar situatën në vijim dhe duke marrë masa për çdo përkeqësim të mundshëm të kushteve atmosferike.