Projekti i rrugës u bë me “Google Maps”/ Banorët e Bërxullës protestë para Hipotekës: Duam çfarë na takon me ligj.

“Ku është ligji? E ka përcaktuar qartë që të gjithë ndërtimet informale deri në 2006 duhet të legalizohen. Deri në 2022-shin, nuk ka pasur asnjë projekt për këtë zonë. Sot del projekti dhe thotë; nuk certifikohen pronat dhe banesat.

S’kemi asnjë lloj përgjigje, asnjë informacion dhe nuk kemi asnjë projekt të rrugës. Nuk i jepet asnjë zgjidhje atij ngërçi. Kjo rrugë në këtë njësi është e vështirë që të zhvillohet, pasi nuk i jepet akses banorëve për rrugë dytësore, as për mbikalime apo nënkalime, apo se si linjat e interkonjeksionit janë për t’u lëvizur.

Institucionet nuk janë në gjendje të japin përgjigje, dhe këtu po bëhet masakër e madhe. Na jepni një sqarim mbi këto paligjshmëri. Projekti është bërë në Itali me ‘google’, pa u ditur terreni”, tha një prej banorëve.

Banorët e Bërxullës vijojnë qëndresën për projektin e rrugës Thumanë-Kashar, e cila prek tokat dhe shtëpitë e tyre. Ata nuk janë kundër ndërtimit të projektit, por kërkojnë disa facilitete në përdorimin e rrugës dhe ç’është më e rëndësishmja, kërkojnë legalizimin sipas ligjit dhe dëmshpërblimin me çmim tregu të pronave.

Ditën e sotme banorët janë vendosur para hipotekës, ku njëri prej tyre ka folur për mediat. Ai këmbëngul se ata po kërkojnë vetëm atë që i takon nga ligji, teksa akuzon se projekti i rrugës nuk është bërë në terren, por në “Google Maps”, direkt nga Italia.

“Ku është ligji? E ka përcaktuar qartë që të gjithë ndërtimet informale deri në 2006 duhet të legalizohen. Deri në 2022-shin, nuk ka pasur asnjë projekt për këtë zonë. Sot del projekti dhe thotë; nuk certifikohen pronat dhe banesat.

S’kemi asnjë lloj përgjigje, asnjë informacion dhe nuk kemi asnjë projekt të rrugës. Nuk i jepet asnjë zgjidhje atij ngërçi. Kjo rrugë në këtë njësi është e vështirë që të zhvillohet, pasi nuk i jepet akses banorëve për rrugë dytësore, as për mbikalime apo nënkalime, apo se si linjat e interkonjeksionit janë për t’u lëvizur.

Institucionet nuk janë në gjendje të japin përgjigje, dhe këtu po bëhet masakër e madhe. Na jepni një sqarim mbi këto paligjshmëri. Projekti është bërë në Itali me ‘google’, pa u ditur terreni”, tha një prej banorëve.