Putini ka frikë nga një grusht shteti, zbardhen prapaskenat

Gazeta britanike The Telegraph raporton se brenda Kremlinit po përhapet një ndjenjë e fortë pasigurie, ndërsa Vladimir Putin duket se është i fiksuar me mundësinë e një grushti shteti të brendshëm.

Shërbimi Federal i Sigurisë (FSB) ka akuzuar anëtarët e Komitetit Rus Kundër Luftës për planifikim të një marrjeje të dhunshme të pushtetit, një zhvillim që ekspertët e perceptojnë si shenjë të rritjes së paranojës në Kremlim.

Ish-ambasadori amerikan në Ukrainë, John Herbst, vuri në dukje se “Putini po kërkon armiq për të mbajtur në këmbë regjimin e tij”. Analistët shprehen se autoritetet po përpiqen të delegjitimojnë opozitën dhe të fajësojnë Perëndimin për problemet e brendshme, duke tentuar të shpërqendrojnë opinionin publik nga pasiguria e shtuar.

Në të njëjtën kohë, ekonomia ruse po ndikohet nga problemet e brendshme dhe varësia në rritje nga Kina, ku ndikimi i mundshëm i Xi Jinping mund të ndryshojë ndjeshëm ekuilibrat, përfshirë edhe shkurtimin e konfliktit dhe goditjen e ekonomisë ruse.

The Telegraph rikujton gjithashtu se kryengritja e Wagner në vitin 2023 ishte një paralajmërim i qartë për dobësitë në strukturën e pushtetit të Putinit, duke nxjerrë në pah pasigurinë që mbizotëron sot brenda Kremlinit.