Rama etiketon gazetarin Andi Bushati ‘ TELENDAR’!
Kryeministri Edi Rama ka zgjedhur ironinë dhe batutat për të komentuar disa nga emrat më të njohur të gazetarisë shqiptare, gjatë një interviste për “Koha Jonë” me Nikoll Lesin.
I pyetur për figura të ndryshme të medias, Rama dha përgjigje të shkurtra, por me nota therëse. Për Blendi Fevziun përdori termin “udhëtar”, ndërsa Ylli Rakipin e cilësoi “muhabetqar”. Për Mero Bazen tha një fjalë: “sqepar”.
Nikoll Lesi: Zoti Rama, më portretizo në pak sekonda këto emra të medias. Blendi Feziu?
Kryeministri Edi Rama: Udhëtar
Nikoll Lesi: Ylli Rakipi?
Kryeministri Edi Rama: Muhabetqar
Nikoll Lesi: Mero Baze?
Kryeministri Edi Rama: Sqepar
Nikoll Lesi: Grida Duma. Po të bashkangjis me Erla Mhillin që t’i kesh dy femrat bashkë.
Kryeministri Edi Rama: Janë dy gjëra të ndryshme.
Nikoll Lesi: Që do të thotë?
Kryeministri Edi Rama: Erlën e kam kushërirë.
Nikoll Lesi: Nga të doli kushërirë mo?
Kryeministri Edi Rama: Po, të largët, por pyete.
Nikoll Lesi: Po ashtu dalim edhe ne kushëri si katolikë që jemi!
Kryeministri Edi Rama: Jo jo, ty të kam kushëri të afërt. Atë e kam kushëri të largët.
Nikoll Lesi: Po Arian Çani
Kryeministri Edi Rama: Thashethemeqar.
Nikoll Lesi: Andi Bushati. Kujdes, se përgjigjet egër Bushati. Mendohu mirë në përgjigje. Se është i pamëshirshëm Bushati dhe është ndër gazetarët më të mirë që ka pasur ‘’Koha jonë.’’
Kryeministri Edi Rama: Po po, atë nuk e diskutoj fare. Po jo, mo nuk e diskutoj fare që po është e vërtetë dhe ta thashë. Ai, shiko, ai ishte i vogël edhe rrëzoi një regjim. Tani është i madh dhe do regjim. Regjim s’ka edhe zvogëlohet përditë. Ça t’i bëjmë atij?
Nikoll Lesi: Frrok Çupi
Kryeministri Edi Rama: Frrok Çupi? Mirditor.
Nikoll Lesi: Anila Basha
Kryeministri Edi Rama: Kështu që maksimumin që mund të them për për Anila Bashën, është anëtare e kryesisë së Federatës së Futbollit.
Nikoll Lesi: Baton Haxhiu
Kryeministri Edi Rama: Kosovar
Nikoll Lesi: Dhe Çim Peka.
Kryeministri Edi Rama: Ku punon ky?
Nikoll Lesi: Ky punon që të vjen hakut vazhdimisht në emision.
Kryeministri Edi Rama: Po të ishte shiko, po të ishte në kohën e ‘’Kohës tonë’’ do ishte një nga ata të makinës së bardhë. Po po, jo, jo, jo.. po e sigurtë do ishte një nga ata të makinës bardhë…
Nikoll Lesi: Jo, jo, ai është një nga gazetarët opozitarë të nivelit të lartë…
Kryeministri Edi Rama: por do e mbanin për shofer, nuk do dilte këtu.
Nikoll Lesi: Jo, jo Çimi është gazetar opozitar i nivelit të lartë.
Keni një histori? Denonco anonimisht, identiteti juaj mbrohet.
Denonco
