Rama tha se prej dy javësh ka vendosur në tavolinën e shtetit turk një listë kërkesash që do t’i përmbushë “në rast se do të përmbyset bota dhe nuk do të ketë më asnjë mundësi komunikimi me askënd”.
Turqia, tha Rama, do të garantojë nevojat e Shqipërisë në rastin e një “Plani C”.
“Unë kam folur me Presidentin e Turqisë, me të cilin jam në kontakt të vazhdueshëm. Prej dy javësh ne kemi vendosur në tavolinën e shtetit turk alternativën, një listë me kërkesa, në rast se do të përmbyset bota dhe nuk do të ketë më asnjë mundësi komunikimi me askënd, për të kërkuar ato që thatë. Atë pjesën kritike, atë që duhet me e pas të garantuar për një “plan C”, duhet ta kemi të garantuar dhe e kemi të garantuar me Turqinë”, tha kryeministri Edi Rama në emisionin “Opinion”
