Rama “shpartallon” Tërmet Peçin në Gjirokastër: Mos na çaj by**en

Përditësuar më 6 May 2026, 01:23

Në një mbledhje të tensionuar të Asamblesë së Partisë Socialiste për qarkun e Gjirokastrës, e mbajtur në ambientet e teatrit të qytetit, Kryeministri Edi Rama ka lëshuar akuza të forta dhe sulme direkte ndaj figurës simbol të Tepelenës, Tërmet Peçit. Takimi, i cili pritej të ishte rutinë organizative, u kthye në një “gjyq” publik për Peçin.

Akuzat: Sabotim, “Lajme të rreme” dhe Goditje pas shpine

Sipas burimeve nga takimi, Rama e ka akuzuar hapur Peçin si autorin e prapaskenave dhe sulmeve ndaj figurave të tjera socialiste në qark.

• Sulmi ndaj Flamur Golemit: Peçi akuzohet se ka orkestruar sulme personale dhe shpifje (përfshirë përhapjen e lajmeve të rreme për gjendjen shëndetësore/SIDA) ndaj kryebashkiakut të Gjirokastrës, Flamur Golemi.
• Pengimi i Gramos Sakos: Rama e ka cilësuar Peçin si pengesë për punën e Gramos Sakos në Tepelenë, duke e akuzuar se ka instaluar “klanin” e tij (kunatin dhe njerëzit e afërt) në administratë për të ruajtur kontrollin.
• Sabotimi në Përmet: Akuzat u shtrinë edhe më gjerë, ku Peçi u bë përgjegjës për përdorimin e njerëzve të tij për të sabotuar strukturat e PS-së në Përmet.

Përplasja në Sallë: “Jam ushtari yt” vs “Mos na çaj by**en”*

Gjatë debatit, tonet kanë qenë mjaft të ashpra. Tërmet Peçi ka tentuar të mbrohet duke përdorur tone servilizmi politik, duke i thënë Ramës: “Komandant, unë jam ushtari yt!”

Mirëpo, kjo deklaratë nuk e ka zbutur Kryeministrin, i cili i ka prerë fjalën menjëherë me një gjuhë brutale:

“Nuk ka fjalë për ty sot. Ka njerëz shumë më të mirë se ty në këtë sallë. Thashethemet që nisin nga kalaja e Ali Pashait nuk ndikojnë në punën e qeverisë sime.”

Në mbyllje të takimit, Rama ka përdorur një fjalor rruge për të vulosur degradimin e pozitës së Peçit brenda strukturave, duke i thënë tekstualisht: “O Tërmet, mos na çaj by**en”*, dhe ka larguar menjëherë takimin.

Fundi i “epokës” Peçi?

Takkmi në Gjirokastër

Ky  sulm i hapur në prani të të gjithë strukturave të qarkut tregon një krisje të pariparueshme. Përdorimi i emrit të Gramos Sakos si pasues dhe izolimi i Peçit për shkak të ” intrigave” krahinore, sinjalizon se kryebashkiaku i Tepelenës mund të jetë drejt shkarkimit ose mënjanimit total nga funksionet politike në zgjedhjet e ardhshme.

Rama duket se ka vendosur të pastrojë “ishujt” e pushtetit lokal që sfidojnë hierarkinë e re të partisë në jug.