Rama takim me opozitën parlamentare, pritet t’i bindë që të firmosin marrëveshjen e rëndësishme (Detaje)

Mësohet se në thelb të këtij takimi është firmosja e marrëveshjes për votimin në Kuvend të një tjetër marrëveshje të arritur mes maxhorancës dhe opozitës jashtëparlamentare, atë të 5 qershorit.

Takimi ishte parashikuar të niste në orën 19:00, në Kryesinë e Kuvendit, me pjesëmarrjen e 3 kryetarëve të grupeve parlamentare të opozitës, Myslym Murrizin, Edmond Stojkun edhe Nimet Musain.

Marrëveshja që PS do t’i kërkojë opozitës të firmosë, i kërkon këtyre të fundit të mbështesin me votë në Kuvend në datën 23 korrik marrëveshjen për Reformën Zgjedhore të arritur në Këshillin Politik.

Nga ana tjetër kryeministri Edi Rama ngulmon në dy ndryshimet kushtetuese që lidhen me zgjedhjet, hapjen e listave dhe ndalimin e koalicioneve parazgjedhore.