Rama tregon para nëpunësve të Kavajës dhe Vorës se 1000 njerëz punojnë përditë për integrimin e vendit: Mundësia për të hyrë ne BE, reale vetëm me PS

Kryeministri i vendit Edi Rama në Asamblenë e PS-së në Vorë dhe të Kavajës, tha se 1000 njerëz merren përditë me integrimin e vendit në BE.

Rama u shpreh se mundësia për të hyrë në BE është reale. Ai shtoi se BE ka deklaruar se Shqipëria duhet të bëjë detyrat e shtëpisë për të qenë pjesë e familjes europiane.

Edi Rama në Asamblenë e PS në Vorë dhe në Kavajë: 1000 njerëz merren me integrimin e vendit në BE. Janë 40 grupe që po punojnë për këtë punë. Jepet llogari se çfarë ka bërë Shqipëria për këtë sektor, për këtë e për këtë. Ne kemi qenë gati të hapim negociatat më herët, por s’ishin ata gati.

Sot e kemi në tavolinë kalendarin. Na kanë thënë bëni detyrat e shtëpisë. Mundësia për t’u bërë pjesë e BE është reale. Do hyjmë në dogana njësoj me italianë, francezë, gjermanë.