Rusia e mohoi sulmin mbi konsullatën shqiptare, reagon Ministria për Evropën dhe Punët e Jashtme: Dënojmë përdorimin e lajmeve të rreme nga Rusia

Përmes një postimi në Twitter, MEPJ thekson se Shqipëria dënon përdorimin e lajmeve të rreme nga Rusia për të mohuar bombardimin e Konsullatës së Nderit të Shqipërisë në Kharkiv.

Në njoftimi theksohet se pamjet e sulmit mbi konsullatën shiqptare janë të pamohueshme dhe flasin vetë.

“Shqipëria dënon përdorimin e lajmeve të rreme nga Rusia për të mohuar bombardimin e Konsullatës së Nderit të Shqipërisë në Kharkiv. Pamjet e shembjes flasin vetë. Ky shkatërrim i ambienteve si dhe i dokumenteve në arkiva është një shkelje flagrante e nenit 61, kreu III i Konventës së Vjenës për Marrëdhëniet Konsullore. Dezinformimi dhe lajmet e rreme për këtë sulm janë të papranueshme!”, shprehet ministria.