Sekuestrohen 4 milionë euro pasuri nga Prokuroria e Vlorës

Prokuroria pranë Gjykatës së Shkallës së Parë të Juridiksionit të Përgjithshëm, Vlorë, ka sekuestruar pasuritë e shtetasit P.C. dhe të familjarëve të tij, të cilët janë nën hetim për dy vepra penale: “Falsifikimi i dokumenteve” dhe “Pastrimi i produkteve të veprës penale ose veprimtarisë kriminale”.

Hetimet kanë çuar në sekuestrimin e pasurive të luajtshme dhe të paluajtshme, duke përfshirë prona, ndërtesa, biznese dhe truall, që kapin vlerën rreth 4 milionë euro.

Më konkretisht, u sekuestruan pasuritë e mëposhtme:

• Truall me sipërfaqe 1600 m², në emër të P.C., në Vlorë;

• Bodrum 841.75 m², në emër të F.C.;

• Njësi 112.82 m², në emër të F.C.;

• Njësi 36.14 m², në emër të F.C.;

• Njësi 59.5 m², në emër të F.C.;

• Njësi 47.27 m², në emër të F.C.;

• Njësi 97.42 m², në emër të F.C.;

• Apartament 72.36 m², në emër të shoqërisë ‘F’ shpk;

• Apartament 89.90 m², në emër të shoqërisë ‘F’ shpk;

• Njësi 324.17 m², në emër të F.C.;

• Njësi 318.16 m², në emër të F.C.;

• Ndërtesë 115 m², në emër të F.C.

Ky sekuestrim vjen si pjesë e përpjekjeve të prokurorisë për të hetuar dhe ndaluar veprimtaritë kriminale që lidhen me falsifikimin e dokumenteve dhe pastrimin e parave të ardhura nga veprimtari të dyshuara kriminale.