Një ngjarje e rëndë ka ndodhur në Baltimore në Maryland të Shteteve të Bashkuara, ku një urë kryesore është shembur pasi u përplas nga një anije e madhe.
Mediat amerikane kanë publikuar edhe pamjet e frikshme, ndërkohë deri tani nuk raportohet për viktima, por është konfirmuar se 7 persona janë nën ujë, ndërsa edhe disa makina janë rrëzuar.
Autoriteti i Transportit në Maryland konfirmon se të gjitha korsitë janë mbyllur në të dy drejtimet, ndërsa trafiku është devijohet.
Kryetari i Baltimore, Brandon Scott, tha se ekipet emergjente janë në vendin e ngjarjes dhe se kanë nisur operacionet e shpëtimit.
Ekipet e shpëtimit janë duke kërkuar së paku shtatë njerëz për të cilët besojnë se janë në ujë, tha Kevin Cartwright, drejtor për komunikim në Departamentin e Zjarrfikësve në Baltimore.
Ura e Francis Scott Key 1.6 milje e gjatë shtrihet mbi lumin Patapsco në Portin e Baltimores, sipas Autoritetit të Transportit të Maryland (MTA).
Ura, e cila u hap në vitin 1977, mban emrin e autorit të “The Star-Spangled Banner”, thotë MTA në faqen e saj të internetit.
