Sherr me armë në Francë/ Një shqiptar i vdekur dhe një tjetër i plagosur

Një ngjarje e rëndë raportohet të ketë ndodhur në Merz-Tessy të Francës ku pas një sherri me armë një shqiptar ka humbur jetën dhe një tjetër është plagosur.

Sipas mediave franceze mësohet se ngjarja ka ndodhur mbrëmjen e së shtunës por është publikuar ditën e sotme, ndërsa thuhet se dy shqiptarët janë dërguar me urgjencë në spital, por si pasojë e plagëve të marra, njëri nuk ka mundur të mbijetojë, duke ndërruar jetë vetëm pak pasi kishte mbërritur në spital.

Sipas policisë thuhet se në xhepat e dy shqiptarëve policia gjeti shuma të mëdha parash. Identiteti i shqiptarit të vrarë dhe atij të plagosur nuk është bërë me dije. Autoritetet nisën hetimet për këtë ngjarje. Dyshohet se sherri me armë ka ndodhur për shkak të trafikut të drogës mes bandave rivale, ku të përfshirë janë edhe shqiptarë.