Shkatërrimi i grupit kriminal/ Dyshohet se u përfshinë në vrasjen e Erion Çelës në Don Bosko

Arrestimi i dy vëllezërve Indrit dhe Gentian Beqiraj, pas incidentit në autostradë ditën e dielë (2 tetor) ku një prej tyre u rrëmbye nga disa persona, ka sjellë zbulimin e një grupi kriminal në Durrës.

Të paktën 15 persona raportohet se kanë rënë në prangat e policisë.

Dyshohet se ky grup kriminal është përfshirë në disa ngjarje në Tiranë dhe Durrës, dhe një prej tyre është ekzekutimi i Erion Çelës në 4 janar të këtij viti në Don Bosko.

Pak para se të vritej, viktima me origjinë nga Dibra dhe banues në Maminas, kishte qenë në tëvolinë me bashkëshorten e tij shtatzënë. Ajo ishte larguar nga lokali vetëm disa minuta para se autorët të zbraznin kallashnikovin mbi 35-vjeçarin.

Gjatë të shtënave me armë mbetyi i plagosur vëllai i viktimës, Blerim Çela, 28 vjeç, daja i tij, Edmond Crroj, si edhe 2 persona të tjerë, midis tyre edhe kamerieri i lokalit.

35-vjeçari Erion Çela, kishte një dyqan ngjitur me lokalin ku ndodhi ngjarja, në të cilin shiste duhan.