‘Shko thuaja gjyshes tënde’, Balla përplaset me opozitën

Kreu i Grupit Parlamentar të PS-së, Taulant Balla, u përplas sot me deputetët e opozitës në Kuvend, duke i akuzuar se do të votojnë kundër rritjes së pensioneve dhe buxhetit për rimbursimin e spitaleve me ilaçe.

Gjatë debatit, Balla iu përgjigj gjithashtu kryetarit të Partisë Demokratike, Sali Berisha, duke e akuzuar për gënjeshtra lidhur me përkatësinë e shumëfishtë dhe duke përdorur një ton të ashpër ndaj opozitës:

“Pusho ti (Balliut). E kam me atë. Ngrejë kokën o Sali. Sa i përket përkatësisë së shumëfishtë, ti gënjeve… Namusqarë frikacakë, sepse këtu është e shkruar sipas ligjit që ke firmosur o zotrrote. Ky buxhet është tre herë më i madh se ai që le ti kur ike. Do votoni kundër 130 mln euro për rimbursimin e medikamenteve? Shko thuaja gjyshes tënde. Gjyshe jam kundër rritjes së pensionit tënd.”

Balla shtoi se opozita, sipas tij, historikisht nuk ka dashur atdheun dhe e ka tradhtuar çdo herë që ka pasur mundësi, duke e konsideruar sjelljen e saj si kundër zhvillimit të vendit dhe mbrojtjes së interesit publik.

Debati ka theksuar tensionet në Kuvend mes mazhorancës dhe opozitës, veçanërisht për çështjet që lidhen me shëndetësinë dhe pensionet.