Shoferja përfundoi me makinë mbi trotuar, katër këmbësorë të plagosur në Tiranë, mes tyre dhe një fëmijë

Një aksident i rëndë ka ndodhur mbrëmjen e sotme në Tiranë, në afërsi te “Kodra e Diellit”, ku një makinë me drejtuese një 29-vjeçare ka aksidentuar tre këmbësorë në trotuar.

Të plagosur kanë mbetur një 60 vjeçar, një 57 vjeçare, një 27 vjeçare, si dhe një fëmijë, që ndodhen nën kujdesin e mjekëve të spitalit Ushtarak, jashtë rrezikut për jetën.

Policia bën me dije se grupi hetimor ndodhet në vendngjarje dhe po punon për sqarimin e rrethanave të aksidentit.