Shpërthim me tritol në një banesë në Lezhë

Një shpërthim me lëndë plasëse ka tronditur gjatë orëve të para të mëngjesit zonën e Ishull-Lezhës, duke shkaktuar dëme materiale në një banesë.

Ngjarja është regjistruar rreth orës 03:50, kur një sasi lënde plasëse ka shpërthyer në portën e jashtme të rrethimit të banesës së shtetasit me inicialet S. Q.

Nga shpërthimi janë shkaktuar dëme të vogla materiale, ndërsa fatmirësisht nuk raportohet për persona të lënduar.

Pas ngjarjes, në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet për dokumentimin e rastit dhe mbledhjen e provave që mund të ndihmojnë në zbardhjen e rrethanave.

Hetuesit po punojnë për të përcaktuar rrethanat dhe motivet e shpërthimit, ndërsa vijojnë kontrollet për identifikimin e personit ose personave përgjegjës.

Deri në këto momente, autorët nuk janë identifikuar, ndërsa grupi hetimor vijon punën për identifikimin dhe kapjen e autorit ose autorëve të ngjarjes.

Policia po heton për të përcaktuar nëse shpërthimi ka qenë i qëllimshëm dhe nëse lidhet me ndonjë konflikt apo motiv tjetër.

Hetimet vijojnë.

Njoftimi:

Rreth orës 03:50, në Ishull-Lezhë, në portën e jashtme të rrethimit të banesës së shtetasit S. Q., ka shpërthyer një sasi lënde plasëse. Si pasojë, janë shkaktuar dëme të vogla materiale.

Grupi hetimor vijon veprimet për zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve.