Shqipëria konsiderohet si Kolumbia e Europës, Meta : Policia në shërbim të drogës e krimit

Presidenti i Partisë së Lirisë Ilir Meta, në një konferencë për shtyp ka deklaruar se Shqipëria konsiderohet si Kolumbia e Europës, ndërkohë që narkotrafikantët mbështetën edhe nga qeveria.

Ai ka shtuar se policia është bërë palë duke u vënë në shërbim të drogës e krimit, ndërsa shtoi se gjatë protestës së mbajtur sot nga opozita para Kuvendit, u përdorën lëndë kimike kundër protestuesve.

“U rrëzua sot kërkesa me debat. Rama prej kohësh nuk raporton në Kuvend për krimin.
Policia në shërbim të drogës e krimit. Përdori lëndë kimike ndaj protestuesve.
Vetë Rama takon në zyrë e mbështet narkotrafikantët. Shqipëria konsiderohet si Kolumbi a e Europës”, tha ai.

Kjo e fundit kishte kërkuar një mocion me debat për investigimin e RAI3 mbi qeverinë shqiptarë. Ilir Meta tha se ‘nga Italia vjen lajmi se në parlamentin italian do të zhvillohet një interpelancë parlamentare mbi deklaratat e ish zv.kryeministrit Arben Ahmetaj dhënë për RAI3’.

Meta: Ndërkohë që Kuvendi i Shqipërisë rrëzon më dhunë kërkesën e opozitë3s për mocion me debat për Edi Ramën lidhur me korrupsionin dhe krimin e organizuar nga Italia fqinje vjen lajmi se në parlamentin italian do të zhvillohet një interpelancë parlamentare mbi deklaratat e ish zv.kryeministrit Arben Ahmetaj dhënë për RAI3

Dua të përshëndetës protestën e sotme të opozitës para godinës së parlamentit dhe dënoj dhunën e narkopolicisë ndaj qytetarëve duke përdorur edhe lëndë kimike.

Nuk ka asnjë surprize, policia është vënë në shërbim të drogës dhe narkotrafikantëve ku vetë shefat janë pjesë e trafikut të drogës dhe kanë marrë pjesë në atentat mafioze.