Shqipëria nuk mund të trajtohet si mall pa zot!

Më kanë tërhequr edhe mua zvarrë! Kaq! Gangsterri më ka tërhequr edhe mua zvarrë, ashtu si zotërinë! Këtë ndjej!

Pronat e një pjese të familjes sime sot i gëzon një biznesmen i madh, i cili del e flet për suksesin, moralin, “vizionin”. Është e lehtë të flasësh kur ke vënë gardh mbi prona, det, kodra e male, sikur kjo tokë të ishte plaçkë pa zot.
Kështu u bë kjo punë:
rretho Rrjollin,
rretho plazhin e Dalanit në Zvërnec,
shkatërro Qerretin,
merr bregdetin në shumë e shumë zona…
Po ne? Ne shqiptarët, a jemi pjesë e këtyre planeve?
A pyetet ky popull për atë që i merret, për atë që i ndryshohet, për atë që i mbyllet me gardh?
Shkatërrimi dhe betonizimi po shkojnë përtej çdo logjike.
Zona të tëra po humbasin identitetin e tyre, po shkatërrohen pa kthim.
Çdo ditë më shumë po na mbyllen vende që dikur i përkisnin të gjithëve.
Projekte të fshehta, investitorë që fshihen, ide që trajtohen nën rrogoz!
A nuk është ky vend edhe i njerëzve të zakonshëm?
Apo Shqipëria po mbetet vetëm në letra e kujtime, ndërsa realiteti u takon atyre që kanë lidhjet e duhura?