Si nisi debati mes komshinjve dhe përfundoi në plagosje me armë zjarri. Shpallet në kërkim autori

Personi i plagosur  në Durrës ishte duke punuar në shtëpi. Ndërkohë komshiu i ka thënë që të mos bënte zhurmë.

Pas konfliktit verbal, komshiu i identifikua me inicialet  A. Z., 35 vjeç ka marrë armën dhe e ka plagosur në këmbë. Më pas është larguar.

Njoftimi i policise

Durrës

Plagosi me armë zjarri një shtetas, për motive të dobëta, identifikohet dhe shpallet në kërkim 35-vjeçari.

Vijon puna intensive për kapjen e tij.

Rreth orës 10:00, në lagjen nr.8 Durrës, gjatë një konflikti të çastit për motive të dobta, është plagosur me armë zjarri, në këmbë, shtetasi A. S., 43 vjeç, i cili ndodhet nën kujdesin e mjekëve, jashtë rrezikut për jetën.

Reagimi i menjëhershëm i Policisë bëri të mundur identifikimin e autorit, shtetasit A. Z., 35 vjeç, i cili pas plagosjes është larguar nga vendngjarja. Vijon krehja e zonës, për kapjen e tij.

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.