SKANDALI/ Faqja e tifozëve të Kukësit bën thirrje: Të votojmë Gjicin në 25 qershor

Dita e zgjedhjeve erdhi dhe kandidatët janë duke përdorur armët e tyre të fundit për të siguruar sa më shumë vota në 25 qershor. Safet Gjici, kandidati i Partisë Socialiste në Kukës ka qenë në shenjestër si një nga njerzit që përzjen futbollin me politikën.
E kjo me të drejtë pasi këtë gjë e bëri edhe një ditë para zgjedhjeve. Faqja më e madhe e ekipit të Kukësit në “facebook” por jo zyrtarja e klubit, pasi administrohet nga tifozët, ka bërë me stil një reklamë për të votuar Safet Gjicin në zgjedhjet e 25 qershorit.

Pak e vështirë për tu besuar se këtë status ata mund ta kenë bërë nga mendja e tyre. Ja postimi i tyre:

Politika nuk ka qene kurre pjese e jona,por ne ket rast duam te shprehim nje lloj mbeshtetje,mirenjohje apo dashamirsi,per njeriun qe per 5 vite me rradh investoi ne ekipin e Kukesit.Safet Gjici eshte nga ata te paket Kuksian qe ka bo dicka qe do ngelet per ne.Andaj ne shenje mirenjohje ne te gjithe bashke duhet ta mbeshtesim duke i dhene voten me 25 Qershor (jo per parti po per njeri). Fitore me gjith zemer (2).

Gjici dhe Kukësi u shpallën kampionë sezonin që sapo u mbyll ku presidenti bëri gjithçka mundi për ta çuar në Kukës trofeun. Ai shpesh në fjalimet elektorale ka përdorur ekipin si një mënyrë për të fituar sa më shumë mbështetës.