SKANDALI/ JA KUSH ËSHTË KOMPANIA QË DO TË NDËRTOJË NJË HIDROCENTRAL NË KANIONIN E HOLTËS
Në një nga perlat e bukurisë natyrore shqiptare, të vizituar këtë vit nga mijëra turistë, do të ndërtohet një hidrocentral.
Newsbomb.al publikoi më herët vendimin e marrë nga ministria e Energjisë dhe Infrastrukturës, drejtuar nga Damian Gjiknuri për t’i dhënë një kompanie private lejen e ndërtimit të Hidrocentralit në Kanionin e Holtës.
Vendimi është marrë pa asnjë konsultim publik, asnjë kriter natyror e turistik ndërsa e drejta i është dhënë kompanisë “ ERA HYDRO shpk”.
Kompania rezulton në emër të Nertil Gjatës dhe është themeluar më datë 05.11.2016 në Tiranë.
Kjo kompani përfshin një sërë aktivitetesh në fushën e energjetikës, me synim gjetjen dhe shfrytëzimin e burimeve energjetike, si dhe çdo ndërtim tjetër me karakter civile dhe ekonomik përfshirë dhe Hidrocentralet apo çdo objekt tjetër për prodhimin, shitjen e transmetimin e energjisë. Prodhimin dhe tregtimin me shumicë e pakicë të energjisë elektrike. Transport mallrash dhe materialesh për vete dhe për të tretët.
Megjithatë, fakti që një vendim i tillë është marrë në heshtje, pa kurrfarë konsulte e transparence, hedh hije të forta dyshimi korrupsioni e klientelizmi.
Keni një histori? Denonco anonimisht, identiteti juaj mbrohet.
Denonco
