Skandaloze! Vlora mbetet sërish pa ujë

Problematikat me furnizimin me ujë të pijshëm vijojnë të mbeten një shqetësim serioz për qytetin e Vlorës, duke rikthyer edhe një herë situata që qytetarët i konsiderojnë skandaloze dhe të përsëritura ndër vite.

Ujësjellës Kanalizime Vlorë ka njoftuar se për shkak të punimeve që po kryhen për ndërtimin e rrjetit të ri të ujësjellësit, ditën e premte do të ketë ndërprerje të furnizimit me ujë në një pjesë të qytetit. Sipas njoftimit zyrtar, nga ora 08:00 deri në 18:00 do të stakohet Stacioni Nr. 4, çka do të ndikojë drejtpërdrejt në furnizimin me ujë për zonat që marrin ujë nga depoja e qytetit.

Për pasojë, një pjesë e konsiderueshme e banorëve të Vlorës nuk do të kenë furnizim me ujë gjatë orëve të pasdites, duke shtuar vështirësitë për familjet, bizneset dhe aktivitetet e përditshme, veçanërisht në një qytet turistik si Vlora.

Nga ana tjetër, UK Vlorë sqaron se nga stakimi i Stacionit Nr. 4 nuk do të preken zonat:

• Lungomare

• Uji i Ftohtë

• Kalaja

• 10 Korriku

• Çentrale

• Bishti i Kalldëmit

• Radhimë

Megjithatë, qytetarët shprehen të revoltuar për ndërprerjet e shpeshta, duke theksuar se problemet me ujin vazhdojnë të jenë një plagë e hapur për Vlorën, pavarësisht premtimeve të përsëritura për përmirësim të situatës.