Sot mbahet seanca për Safet Gjicin në Gjykatën e Elbasanit

Sot, më 23 dhjetor 2024, në Gjykatën e Shkallës së Parë të Elbasanit zhvillohet seanca për ish-kryebashkiakun e Kukësit, Safet Gjici, i cili ka kërkuar të vuajë pjesën e mbetur të dënimit në shtëpi për arsye shëndetësore.

Në këtë seancë, tre ekspertë të Institutit të Mjekësisë Ligjore do të japin përgjigje për 11 pyetje të përcaktuara nga gjykata në lidhje me gjendjen shëndetësore të Gjicit, i cili vuan nga diabeti dhe probleme kardiovaskulare.

Gjici, që po vuan dënimin në burgun e Kosovës në Lushnje, aktualisht kurohet në një klinikë private për shkak të gjendjes së përkeqësuar shëndetësore, sipas avokatit të tij, Markeljan Jance.