Spiropali akuza deputetes së PD-së: Dil jashtë, ke ardhur me benzinë në çantë
Deputetët e PD-së, Elda Hoti dhe Pertrit Doda janë përjashtuar nga seanca pasi sipas kryeparlamentares, Elisa Spiropali hodhën benzinë mbi deputetët.
“Ke ardhur në Kuvend me benzinë me vete, dilni jashtë”, iu drejtua Spiropali teksa gardsa shkoi për ta nxjerrë jashtë deputeten Hoti.
Kryeparlamentarja u shpreh se “me ju do të merret SPAK” ndërsa kërkoi të “verifikohet materiali që u hodh mbi deputetët”.
“Ke ardhur në Kuvend me benzinë me vete, dilni jashtë. DIl jashtë, ke rrezikuar jetën e kuvendit. Je e përjashtuar. Me ju do të merret SPAK.
Të verifikohet materiali që u hodh mbi deputetët. Petrit Doda dhe Elda Hoti dilni jashtë”, tha Spiropali.
Replika në Kuvend, e Tritan Shehut : Grusht shteti! Keni vendosur rendin ushtarak në Parlament
Në seancën plenare, deputeti demokrat Tritan Shehu, është shprehur se po bëhet grusht shteti duke mos lejuar deputetët e padënuar për të hyrë në seancë.
Ai u shpreh se deputetët po bllokohen e nuk po lejohen të jenë pjesë e punimeve të seancës, ndërsa shton se që nga viti 1991, kjo nuk ka ndodhur.
“Kjo që po ndodh është grusht shteti. Ato që janë atje janë të padënuar dhe Garda nuk i lejon, Të vendoset rendi ushtarak. Zbatoni rregullat. Nuk ka njeri në botë të bllokohen deputetë, edhe në momentet më të vështira.
Ju e shkatërruat Kuvendin, ju e rrënuat. Duke filluar me arrestin e zotit Berisha dhe moslejimin e deputetëve në sallë. Kjo është shkelje e rëndë e demokracisë. Merrni masat zonja kryetare. Zoti ministër shkoni atje dhe disiplinoni efektivët tuaj”, tha Shehu.
Keni një histori? Denonco anonimisht, identiteti juaj mbrohet.
Denonco
