Studimi: Kimikatet e produkteve shtëpiake ndotin ajrin sa makinat
Ndikimi i produkteve të konsumit te cilësia e ajrit, sipas një studimi të fundit rivalizon atë të automjeteve të konsideruara si burim kyç i ndotjes deri tani.
Studimi i drejtuar nga Universiteti i Colorados fokusohet te të ashtuquajturit përbërës organikë të paqëndrueshëm “VOC”. Ato gjenden në produktet me bazë nafte, si lëngjet e pastrimit dhe bojërat, e kur shpërndahen në ajër mund të formojnë grimca që prekin shëndetin.
Burimet e “VOC”-ve, në bindjen e shkencëtarëve janë anashkaluar shumë.
“Ky është një rezultat i habitshëm, – thotë BBC, – sepse për nga pesha, ne të gjithë përdorim karburant shumë më tepër sesa produkte kimike”.
Rreth 95% e naftës së papërpunuar shkon në prodhimin e lëndëve djegëse, ndërsa afërsisht vetëm 5% e saj rafinohet për t’u përdorur në kimikatet e përfshira në deodorantë, pesticide dhe ngjitës.
Por, Brian McDonald dhe kolegët e tij këmbëngulin se kanë përdorur një gamë të gjerë informacionesh për këtë studim dhe kanë dalë në përfundimin se, në Shtetet e Bashkuara, sasitë e “VOC”-ve të emetuara nga konsumatorët dhe produktet industriale janë me shumë gjasë dy ose 3 herë më të larta, sesa ato të parashikuara nga verifikuesit aktualë të ndotjes së ajrit.
Ekspertët shtojnë se, këta të fundit mund t’i kenë mbivlerësuar gjithashtu burimet e ndotjes së automjeteve.
Keni një histori? Denonco anonimisht, identiteti juaj mbrohet.
Denonco
