Takimi i ambasadorit të BE me Bashën/ Soreca: Vlerësojmë rolin pozitiv që ka luajtur lidershipi i PD-së në këtë moment të rëndësishëm politik

Në një postim në Twitter, kreu i delegacionit të BE në vendin tonë, Soreca thotë se roli i opozitës në Shqipëri është “thelbësor” në monitorimin e zbatimit të rekomandimeve që janë bërë në Raportin e KE-së.

Ndërkohë Soreca zbulon se në bisedën me liderin e demokratëve është diskutuar edhe për axhendën në Parlament të PD për muajt e ardhshëm.

“Ne patëm një diskutim të gjerë edhe për axhendën parlamentare të PD-së për muajt në vijim.

Bashkimi Europian vlerëson rolin pozitiv që ka luajtur lidershipi i PD-së në këtë moment të rëndësishëm politik për rrugëtimin drejt anëtarësimit në BE të Shqipërisë”, shkruan Soreca.