Pas deklaratave të Taulant Ballës se Presidenti Meta gjithë jetën e tij ka dashur të dëmtojë Partinë Socialiste, ka ardhur edhe përgjigja nga Tedi Blushi, këshilltari i presidentit Meta.
Blushi i thotë Ballës të “mos shërbejë si fustan gruaje, poshtë të cilit fshihet nga frika Buburreci Trendi”, duke nënkuptuar kryeministrin Rama.
Ai i kërkon Ballës që të nxjerrë në përballje Ramën, pasi në 26 prill do të shkojë përsëri të bëjë autokritikë në Presidnecë dhe të punojë për çeljen e negociatave.
“Tao Tao, të paktën mos shërbe si fustan gruaje, poshtë të cilit fshihet nga frika Buburreci Trendi.
Mos u spiropalizo edhe ti!
Nxirre në Përballje Buburrecin.
A thotë Buburreci yt se Presidenti takohet skutave me kriminelë?
Nxirre pra të faktojë para tërë shqiptarëve se cilin kriminel ka takuar Presidenti?
Dil edhe ti si përforcues e zhurmues bashkë me të!
Presidenti është i të gjithë shqiptarëve.
E harrove 2 Marsin?
Jam i sigurt se edhe ti do vish me vrap te Presidenti në 26 prill të bësh autokritikë e të punosh për çeljen e negociatave.
Të gjithë shqiptarët mezi presin çeljen e negociatave që ju i bllokoni me pabesinë ndaj 5 Qershorit.
Ora e Përballjes po afron”, shkruan Blushi
