Të shtëna me armë ne Tiranë, raportohet për dy të plagosur

Të shtëna me armë zjarri janë raportuar mbrëmjen e kësaj të marte në zonën e Laprakës, në Tiranë.

Sipas informacioneve paraprake, dy persona kanë mbetur të plagosur si pasojë e të shtënave. Njëri prej tyre dyshohet se ka marrë plagë në këmbë.

Të plagosurit janë transportuar drejt Spitalit të Traumës, ku ndodhen jashtë rrezikut për jetën.

Ende nuk dihen rrethanat e plota të ngjarjes dhe motivet që kanë çuar në përdorimin e armës.

Forcat e Policisë kanë mbërritur në vendngjarje dhe kanë nisur hetimet për të zbardhur dinamikën e ngjarjes, si dhe për të identifikuar personat e përfshirë.

Pritet që në vijim të dalin më shumë detaje mbi ngjarjen.