Tek Inceneratori i Tiranës/ Mbahet sot protesta e thirrur nga Partia e Lirisë, ja çfarë pritet të ndodhë Capture 81

Pasditen e sotme në kryeqytet pritet të mbahet protesta e thirrur nga Partia e Lirisë.

Protesta është parashikuar të nisë në orën 18:00, tek inceneratori i Tiranës në Sharrë, teksa mësohet se kreu i Partisë së Lirisë Ilir Meta do të japë edhe një mesazh.

Meta ka theksuar se kjo protestë është e qytetarëve dhe se kryefjala do të jetë lidhur me aferën e inceneratorëve. Ai iu bëri thirrje qytetarëve të marrin pjesë për të mbrojtur interesin publik dhe atë kombëtar dhe për të ekzekutuar frikën që mafia kërkon të mbjellë.

“NDIHESH I VJEDHUR? EJA EDHE TI! Afera e inceneratorëve është “kryevepra” e korrupsionit. Është vjedhja më e madhe që u është bërë qytetarëve shqiptarë. Popullit i kërkojnë të kursejë ndërsa Qeveria nuk ndalet së vjedhuri në kulmin e krizës. Të gjithë në protestë më 13 shtator, ora 18:00, tek inceneratori i Tiranës!”, shkruante Meta krahas spotit të protestës.