Dy të tjerë në gjendje të rëndë

Një ngjarje e rëndë dyshohet të ketë ndodhur në bregdetin e Shëngjinit, ku katër të rinj nga Kosova, që kishin hyrë për t’u larë në det, janë përballur me dallgë të forta dhe rryma të rrezikshme.

Sipas raportimeve paraprake dyshohet se të rinjtë janë marrë nga rrymat e detit. Si pasojë, dy prej tyre kanë humbur jetën, ndërsa dy të tjerët raportohet se ndodhen në gjendje të rëndë.

Deri në këto momente nuk ka një konfirmim zyrtar nga autoritetet për rrethanat e plota të ngjarjes apo për gjendjen e personave të tjerë të përfshirë.

Në vendngjarje pritet ndërhyrja e forcave të kërkim-shpëtimit dhe policisë, të cilat do të punojnë për zbardhjen e plotë të incidentit dhe menaxhimin e situatës.

Hetimet vijojnë, ndërsa autoritetet pritet të japin më shumë detaje në orët në vijim.