Tronditëse! Babai plagos me thikë vajzën në Durrës

Një ngjarje e rëndë ka ndodhur mëngjesin e sotëm në qytetin e Durrësit, duke tronditur banorët e zonës.

Sipas informacioneve paraprake, një konflikt brenda familjes ka degjeneruar në dhunë, ku një baba dyshohet se ka goditur me thikë vajzën e tij.

Ngjarja është shënuar në lagjen nr. 12 të qytetit bregdetar. Menjëherë pas incidentit, në vendngjarje kanë mbërritur shërbimet e policisë dhe ambulanca, të cilat kanë transportuar të plagosurën drejt spitalit për ndihmë mjekësore.

Policia ka nisur hetimet për zbardhjen e plotë të rrethanave dhe shkaqeve që çuan në këtë ngjarje të rëndë.

Autoritetet pritet të japin informacion zyrtar në vijim, ndërsa rasti ka rikthyer në vëmendje problematikën e dhunës në familje.