U dhunua brutalisht, si paraqitet gjendja e të riut që i thyen këmbën

Janë mësuar detaje të reja lidhur me gjendjen shëndetësore të studentit që mbeti i dëmtuar gjatë përplasjeve me policinë në protestën e zhvilluar këtë të martë në Tiranë.

Sipas informacioneve të raportuara, i riu ka pësuar dëmtime të rënda, përfshirë një frakturë në këmbë, pas incidentit gjatë protestës. Ai është dërguar në Spitalin e Traumës, ku po merr ndihmën e nevojshme mjekësore.

Të dhënat e fundit bëjnë me dije se studenti ndodhet jashtë rrezikut për jetën, ndërsa aktualisht po i nënshtrohet një ndërhyrjeje kirurgjikale.

Ngjarja është një nga incidentet më shqetësuese të regjistruara gjatë protestës, e cila u përshkallëzua pas disa orësh tubimi dhe u shoqërua me përplasje mes protestuesve dhe efektivëve të policisë.