U zunë për gomarin dhe kanalin kullues, rrihen me lopata dy vëllezërit në Baldushk, plagoset rëndë njëri prej tyre

Vajza e Enveri Lloçjas ka thënë: “Doktori nuk jep fare shpresë. Bujari i ka gjuajtur nga mbrapa babit. Erdhën policët dhe talleshin dhe thoshin nuk ka gjë”.

Po ashtu edhe djali i Enverit, ka treguar se si e gjeti babain e tij: “Babi ishte i shtrirë, më kërkoi një batanije sepse ishte shumë keq. Pas përplasjes për gomarin, nuk kemi pasur raste të tjera. Kanali ishte i vjetër dhe duhej rregulluar”.

Debati mes dy vëllezërve Enver dhe Muharrem Lloçjas, është transmetuar në “Shqipëria Live”.

Muharremi goditi me levë Enverin pasi pretendonte se gomari i tij i kishte hyrë në tokë. Mesa duket konfliktet mes vëllezërve vazhdojnë dhe Enveri ka marrë goditje të rënda.

Muharremi është në gjendje të lirë dhe një është arrestuar nga policia, ai ka thënë për gazetaren: “Është e vërtetë që kemi pasur konflikt. Sa u ngritëm në mëngjes, erdhi mori kazmën që të hapte kanalin. I thashë lere se do e rregulloj unë. Ia kapa lopatën, m’u kthye dhe unë iu ktheva e hodha matanë se nuk më panë më sytë. E kam shtyrë te kazma”.

Pasi u pyet se përse vëllai i tij ndodhet në gjendje kritike për jetën, Muharremi tha se nuk e kishte matur se sa e gjuajti.