Ukraina para Shqipërisë në BE? Rama: S’duhet shumë shkencë për të kuptuar si funksionon BE

Në konferencën e përbashkët për shtyp me kancelarin Federal të Gjermanisë, Olaf Scholz, kryeministri Edi Rama komentoi dhe integrimin e vendit tonë në BE.

I pyetur nga gazetarët gjermanë se a ndihet i shqetësuar se Ukraina mund të anëtarësohet më shpejt se Shqipëria, Rama tha se nga mënyra se si funksionon Bashkimi Evropian, kjo nuk mund të ndodhë, ndërsa shtoi se edhe nëse kjo do të ndodhte “nuk do të ndiheshim xhelozë”.

“A ndihem i shqetësuar që Ukraina mund të hyjë më shpejt në BE sesa ne? Më vë pak në pozitë sepse duhet të them të vërtetët. Unë më shumë shqetësohem se mos Ukraina mendon se mund të hyjë më shpejt, jo se do hyjë më shpejt, kështu që do u thosha dhe atyre që e ushqejnë këtë iluzion për Ukrainën që mos e përdorin atë për të shprehur entuziazmin e tyre revolucionarë në instanca të ndryshme, se nuk duhet shumë shkencë për të kuptuar si funksionon BE, kjo nuk mund të ndodhë sipas meje, por dhe nëse do të ndodhte, nuk do të bëheshim xheloz”, tha Rama.