Veliaj u shkëput energjinë protestuesve, ata hedhin molotovë

Kryebashkiaku Erion Veliaj ka vendosur të ndërpresë energjinë përpara Bashkisë së Tiranës për të sabotuar tubimin.

Kjo ka bërë që të mos punojnë mikrofonët, duke u ndërprerë fjalimet. Si reagim, qytetarët kanë hedhur flakadanë drejt godinës.

Ka nisur me tensione protesta e tetë e Rithemelimit dhe PL para bashkisë së Tiranës. Protestuesit kanë hedhur milotov drejt godinës.

Si çdo javë godina e bashkisë është blinduar nga forcat e policisë.

Për protestën e shtatë të javës së kaluar para bashkisë, Policia e Tiranës nisi hetimet në gjendje të lirë ndaj 12 personave për episode e dhune. Si përfaqësuesja zyrtare e marrjes së lejes në polici për protestën, Adriana Kalaja e Aleancës për Mbrojtjen e Teatrit akuzohet nga policia për  veprën penale “thirrje publike për veprime të dhunshme”

Sali Lushaj, ish-truproja i Sali Berishës, Tedi Blushi i Partisë së Lirisë, Klevis Balliu i Rithemelimit dhe Besart Xhaferri kreu i FRPD, do të hetohen për veprat penale “prishje e qetësisë publike” dhe “shkatërrim i pronës”.