VETTINGU ‘ZHDUK’ NGA DREJTËSIA ‘PESHKUN E PARË’: SHKARKOHET GJYQTARI FATOS LULO

Vendimi është marrë nga Komisioni i Pavarur i Kualifikimit pas seancës dëgjimore.

Ditën e djeshme nisi seanca e parë dëgjimore e KLP me Fatos Lulo por ky i fundit nuk ka qenë fare në komision. Lulo ka dërguar avokatin e tij Ardian Vishaj për të dhënë llogari para Komisionit të përbërë nga Genta Tafa Bungo, relatorja Etleda Çiftja e Brunilda Bekteshi. Vishaj u pyet pas verifikimit të dosjes së klientit të tij i cili prej vitit 2013 kryen detyrën e anëtarit të Gjykatës Kushtetuese.

Sakaq, në këto momente është komunikuar edhe vendimi për të shkarkuar gjyqtarin i cili nuk e ka kaluar “vettingun” Analiza e pasurisë ishte një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.

Sipas raportit të ILDKP Fatos Lulo nuk e justifikon pasurinë dhe ka kryer deklarim të rremë. Gjithnjë sipas raportit të ILDKP, Lulo ka fituar përmes një kontrate dhurimi një paratament në “Rrugën e Durrësit”, shuma prej 100 mijë dollarësh të dhuruara, posedon në bankat kanadeze 480 mijë dollarë kanadezë si dhe zotëron një shtëpi në Kanada