VIDEO/ Çfarë ndodhi në mbledhjen e studentëve të ngujuar te Ekonomiku

Mbrëmjen e sotme rreth 200 studentë u janë bashkuar studentëve të ngujuar prej tre ditësh në fakultetin Ekonomik, ku kanë zhvilluar një mbledhje duke hedhur në votim nëse do të vijojnë ose jo bojkotin e mësimit.

Nga kjo mbledhje ata kanë votuar pro bojkotit, duke u shprehur njëzëri se nuk do të futen në mësim dhe kërkojnë që kryeministri Edi Rama të plotësojë të gjitha kërkesat e tyre të parashtruara që në fillim të muajit dhjetor, e këtë duhet ta bëjë me ligj, pasi ata shprehen se nëse nuk miratohen me ligj, nuk kanë besim.

“Ligji për arsimin e lartë duhet rrëzuar, Universiteti është i yni dhe tani do të ngujohemi të gjithë. Partitë politike t’i mbajnë larg këlyshët e tyre. Rama të mos guxojë të cënojë kauzën tonë. U bëjmë ftesë edhe pedagogëve të na bashkohen. Ngujimi do të jetë pa afat”, janë shprehur studentët.